NEDI GAMPO - Tasapik di Liyie

Maibo ratok kabau jalang
Jalan malepai di paneh garang
Rumpuik masiak kubangan kumuah
Hiduang barayie lidah tauluo
Lutuik guyah mato tabuduo

Coitu nasib denai nan malang
Lah habih dayo di rambang patang
Badan den kini batambah
Gigi abih jangek lah layuo
Tatilantang sajo di rusuak dapuo

Apo salah apo doso
Coiko bana parasaian
Sajak ketek badan marano
Lah ka ampiang mati lo lai a
Marano juo

Nasib den kini lah sapantun
Kabau tasapik diliyie
Dilalukan badan lah gadang
Kok dielo tanduak tasakang

Ondeh angin baok den tabang
Ambuangan malah ka dalam jurang
Disinan kusuik mangko salasai
Ndak talok den iduik manangguang sansai
Bia den tajun ka dalam ngarai


“Ndeh nak oi
Calieklah nasib abak taka iko nak oi
Lah takaripuik takaripek niak kanin
Alah tasungkuo bagai di janjang
Waang ndak ado parhatian
Laruik bana waang jo bini ang
Lupo waang jo abak ang nak

Bini ang an buek an rumah tingkek limo
Abak ang suruah masuak panti jompo
Ondeh, baa taka iko bana waang nak ei

Lah jaleh paruik den sakik ang balian bek tadin
Lah jaleh den damam ang balian kombantrin
Lah jaleh mato den padiah ang balian minyak angin
Ndak den sangko ang coiko do nak oi”


“Ndeh nak ei
Baa taka iko bana nasib abak ang nak
Nasib urang gaek
Tapi an nan kadikecek
Awak lah gaek
Talingo lah tongek
Uban lah labek
Matolah celek
Gigi tingga ciek
Lutuik manggaretek
Jalan lah pakai tungkek

Awak lah gaek tapi gaek taruang asam
Awak lah salero tajam
Nampak jando badan mandamam
Nampak bini urang mato mangarinyam-rinyam
Ei, gaek taruang asam
Makin gaek makin tajam
Eeii la lahh…”

Read More

NEDI GAMPO - Laloklah Lai

Panek-panek mambantiang tulang
Sadari pagi sampai patang
Balapeh panek kito bagoyang
Jikoklah panek laloklah lai

Lalok lalok lalok lai
Pulanglah lai


Gadang karuah padok lalok
Gadang tambah ndak tasuok
Coikolah urang cangok
Angok busuak paruik sambok

Dek ulah mancari kayo
Bia urang taniayo
Mantang-mantang bakuaso
Nyo lalah pitih sadonyo


Yo koruptor….
Maliang gadang utak kotor
Ndak takuik jo doso nan paralu inyo kayo
Yo maliang….
Parangai waang ariang
Ang panggakkan pitih dek hukum bisa ang bali

Koruptor pulanglah lai
Oi maliang laloklah lai
Kana badan baun bangkai
Di narako waang marasai

Oi maliang sadarlah ba’a
Jan suko makan riba
Kana rakyaik ka manyumpah
Rang manangih ang bapoya-poya

Read More

NEDI GAMPO - Anak Kampus

Jadi mahasiswa kamari bedo
Apo lai awak nan bansaik pulo
Kiriman dari kampuang acok ndak tibo
Bareh lah habih samba ndak ado
Rokok sabatang isok balimo
Seo rumah talambek ibuk kos marabo

Pai kuliah jo paruik kosong
Naiek bis kota badan lah oyong
Kok ado pitih lai dapek makan lontong
Kok sadang bokek tasapo paruik karoncong


Sadangkan kawan nan kayo rayo
Pai kuliah nyo punyo oto
Indak mamikie pitih balanjo
Apo taragak nyo tau ado
Nyo mintak ciek nan dapek limo
Coitu bana sayang rang tuo

Jikok di kampus bedo lagaknyo
Duduak di kafe kareh suaro
Mintak teh taluo nyo mintak teh boto
Mintak nasi goreang mintak nasi soto

Awak nan bansaik badanlah litak
Pai kuliah basasak-sasak
Naiek bis kota tapaso tagak
Tibo di kampus kaki lah bangkak

Masuak ka lokal awak tangangak
Caliek di muko pak dosen lah tagak
Tampangnyo sadis kapalo colak
Sunguiknyo taba co landak


Coiko bana kehidupan kampus
Bakawan diktat bakawan kamus
Bagaluik jo teori bagaluik jo rumus
Senat mahasiswa nan ka diurus
Dosen kok sayang jalan lai mulus
Kok dosen berang ujian tak lulus

Malang basuo jo dosen killer
Bantuaknyo sadis tampangnyo angker
Matonyo merah co urang teler
Acok ndak lulus ujian semester


Tengganglah kami pai oi ibuk dosen
Usahlah banci usah sentimen
Sadangkan kami lah habih tenggen
Latiah seminar langsuang tempramen
Badanlah litak utak impoten
Amuah den gilo amuah senewen

Jadi mahasiswa sabana payah
Lah habih pitih biaya kuliah
Sampai rang gaek manjua sawah
Asakan anak jadi sarjana

Jikok di kampus awak basuo
Jo cewek rancak nyo manih pulo
Siang jo malam dimabuak cinto
Hati den kanai ka baa juo

Disinan hati mangko taibo
Awak tacinto anak rang kayo
Cinto ditulak badan marano
Hati den patah kuliah di-DO

Read More

Nedi Gampo - Manang bete

Aden manang bete, yo bajuta-juta
Kawan-kawan tibo karumah maminta jatah
Aden manang bete, yo bajuta-juta
Den mahandok ka-WC dek urang batua mangaja

Urang pado malongok maliek pitih den baonggok
Ado pulo nan manggarogok disangkonyo denai marampok
Denai manang bete tapi inyo indak picayo
Aden agiah saratuh ribu, ha nyo maonjak sarupo karo

Aden manang bete, yo saratuih juta
Den bali paruak gadang untuak kawan bamain koa
Aden manang bete, yo bajuta-juta
Den bali honda CB den dukuang sampai ka pasa

Kawan manjadi lawan dek ndak dapek pambagian
Lawan manjadi kawan dek pitih aden inyo singkahan
Ondeh nan jando lamo inyo minta babaliak lai
Den balikan inyo tubo supayo capek mambunuah diri (mati!!)

Aden lah manang bete, dapek pitih sagoni
Ruponyo den tacelek, manang bete dalam mimpi
Gara-gara bete, anak bini den marasai
Barang habih tandeh, lah tajua lah tagadai
Aden manang buntuik, dapek pitih sakambuik
Aden jadi takajuik, dalam mimpi dalam salimuik
Gara-gara buntuik, anak lah bacilapuik
Bini den lah malisuik, dek pariuk yo tatungkuik
Gara-gara buntuik, kaniang lah bakaruik
Muko alah kusuik, kini aden tingga di gaduik.

Read More

Nedi Gampo - Ondeh Amak

Amak Amak Amak ondeh amak..
Lah habih dayo mancari karajo
Anak den banyak Mak bapitih ndak
Mangeak-ngeak dek manahan lita
Den caliek pariuk mak oi nan tingga karak

Oi Amak amak amak ondeh amak..
Indak salah Mak Amak manganduang
Salah yo denai ndak tau di untuang
Katiko bujang suko lalok bagaluang
Kini lah taparangak denai otak baluluak jo takatuang ondeh Amak..

Den caliek godok lah gadang-gadang
Caliek martabak lah kambang-kambang
Jo a di bali saku tauncang kama batenggang..
Urang manyungkah awak mancaliek
Bunyi capaknyo badariak-dariak
Jakun-jakun den turun naiak
Aie liu den manitik-nitik
Apo ka dayo di badan nan ko
Cari karajo ndak dapek juo
Ka manggaleh pokok ndak ado apo ka dayo..
Kok ka lauik sampan tiado
Ka bakuli indak batanago
Ka mambecak lutuik den kurok
Ondeh malang.. Amak...

Amak, aa ka dayo den lai ko Mak ai
Lai den cubo karajo Mak, tapi ciek juo ndak manjadi doh
Lai pai lo marantau, pulang lo baliak
Dima bumi di pijak Mak, sinan tanah den kapiang
Dima rinbo di jajak, di sinan kayu den kapak
Nan nasib ko ndak barubah juo do Mak
Lah paniang den, ndak talok nan ka den kakok Mak
Kok kajamban se lah aie nan kalua ondeh..
Baa lai ko Mak oi..?!?

Oi Amak amak amak ondeh amak..
Indak salah Mak oi bundo manganduang
Mungkin dek nasib den alun baruntuang
Satiok malangkah tiok tataruang
Nan kayu di tungku lah tingga puntuang

Kini aki lah mulai suak, lai den cas barapi indak
Pangana abih utak lah pakak, ondeh amak..
Jangek di badan lah mulai kandua, pancalian baraso kabua
Kaki bajalan taraso layua, alah maunjua..
Alah padam baro di dapua, alah kariang aie di sumua
Badan lah dakek ka pintu kubua, oi mak kanduang..
Ondeh angin baok den tabang, ambuangan bana ka dalam jurang
Bia sansaro nak nyo ilang, ondeh Amak.. Amak...

Amak, ka jadi a den ko Mak oi
Tiok den kakok, tiok ndak jadi do Mak
Tu mah, Ka jadi pagawai awak SD ndak tamaik
Ka manggaleh Mak modal sandek, manjua goreng kompor angek
Pai ka sawah di gigik jo acek
Pai ka parak di pantak panyangek
Pai ka ladang bangkak-bangkak jo ulek
Cubo batukang tahantak jo pahek
Ka manyabuik rumpuik nyo kajambanannyo mato jo koncek
Ka manciang baluik ula nan tajarek
Ka jadi tukang uruik urang salah urek
Ka mambecak lutuik manggeretek
Bakuli goni ndak ta angkek Mak ondeh Mak oi
Lah cubo lo baolah raga ndak juo doh..
Ka manga den lai Mak oi..
Ka main bola wak lari lambek
Ka main tenis raket barek
Ka main golof lubang tasumbek
Ka main basket badan bondek
Ka main voli awak pendek
Den cubo lo main biliar katiko di hantak bola tungkek masuak
Bola ko tasakek, ndeh lah patah-patah stik jo den
Lah berang lo parakai jo den Mak oi
Aa dayo den ko mak oi..
Oi alah.. kudok se lah godok granat tu lah dek ang Gampo!!
Amak ang dang
Oii.. mati lah ang Gampo!!

Read More

Nedi Gampo - Cinto di Kampus

Jadi mahasiswa kamari bedo
Apo lai awak anak bansaik pulo
Kiriman dari kampuang acok ndak tibo
Bareh lah abih samba ndak ado
Rokok sabatang di isok ba limo
Seo rumah talambek, ibo kost marabo

Pai kuliah jo paruik kosong
Naiak bis kota batambah oyong
Kok ado pitih lai dapek makan lontong
Kok sadang bokek tapaso paruik karoncong

Sadangkan kawan nan kayo rayo
Pai kuliah nyo punyo oto
Indak mamikia pitih balanjo
Apo taragak nyo tau ado
Nyo minta ciek nan dapek limo
Co itu bana sayang rang tuo

Jikok di kampus bedo lagaknyo
Duduak di kafe kareh suaro
Minta den talua, nyo minta teh boto
Minta nasi goreang minta nasi soto
(Sungkahan lah!!)

Awak nan bansaik badan lah lita’
Pai kuliah basasak-sasak
Naiak bis kota tapaso tagak
Tibo di kampus kaki lah bangkak
Hey masuak ka lokal awak tangangak
Caliek di muko pak dosen lah tagak
Tampangnyo sadis kapalo colak
Sunguiknyo taba co duri landak

Co iko bana kehidupan kampus
Bakawan diktat bakawan kamus
Bagaluik jo teori, bagaluik jo rumus
Senat mahasiswa nan ka di urus
Dosen kok sayang kadang lai mulus
Kok dosen berang diam tak lulus

Malang ba suo jo dosen killer
Bantuaknyo sadis tampangnyo angker
Matonyo merah co rang teler
Acok ndak lulus ujian semester

Tenggang lah kami Pak oi Bu dosen
Usahlah banci usah sentimen
Sadangkan kami alah habih tenggen
Latiah seminar langsuang tempramen
Badan lah lita’ otak impoten
Amuah den gilo amuah senewen

Jadi mahasiswa sabana payah
Lah habih pikia biaya kuliah
Sampai rang gaek manjua sawah
Asal kan anak jadi sarjana
(Ndeh maharok bana rang gaek di kampuang ha!)

Jikok di kampus awak basuo
Jo cewek rancak hey nyo manih pulo
Siang jo malam di mabuak cinto
Hati den kanai ka baa juo
Di sinan hati mangko ta ibo
Awak tacinto anak rang kayo
Cinto di tulak awak marano
Hati den patah kuliah di DO

Mak tambahlah balanjo jo pitih urang mak, mode ko taruih ndak sadang do mak

Wa ang pitih ka pitih se taruih de ang! Untuak a de ang pitih?! Punyo cewek yo waang lai?! Atau bali-bali XTC lo di ang ndak?!

Ndak tantu gai amak XTC-XTC, ndak ado gai tu doh..!

Kecek awak gaek bongak bana den ko ndak tantu XTC, kok ndak ang ba cewek-cewek, ko tadanga jo mahasiswa gilo ka baralek-baralek se ang. Bisuak baralek situ! Sia nan ka baralek, sia nan ka baralek?! Kawan samo kuliah, kawan samo kuliah! Trus baralek lo ciek lai, sia nan baralek?! Kawan samo kuliah.

Yo kan ndak lo mungkin di amak do, saminggu baralek, saminggu baralek.

Read More

Nedi Gampo - Pantun bagurau

Labek sampelo mudo tumbuah di tapi lasuang
Dapek mintuo jando barabuik cinto jo anak kanduang
Huni di tapi tabek dek banyak angin nan lareh
Kalau kau banyak jirawek lah sakarton abih ampaleh
Kapunduang jo buah lansek talatak di dalam kambuik
Bajongkong badannyo pendek tibo di anak lah bungkuak sabuik
Si kerek di mandi angin marimbo di parak tabu
Baangek mandehnyo dingin tibo di anak lah ngilu kuku
Sulam tanaman ku tak lalok pagi pamain siang
Kama pai tak tampak-tampak kok karajonyo manghilang

Karajo di bukik asam dapek jatah di tambang dalam
Cilapuik muko lah hitam bantuak maliang di kaja satpam
Di cubo pulo manakiak lalok di rimbo di ateh lapiak
Kok malam di kaja kandiek paruik kuyak kanai kok cabiak
Den cubo pulo mamukek siang bapaneh badan bakilek
Malam dingin muko lah pucek ombak mangamuak sampan tasakek
Den cubo pulo manjaik ikua abih pinggak den sakik
Dek bapikia kapalo panik di pasan baju tabuek toncik

Bagurau aden bagurau bagurau sasamo gadang
Ba koa di palanta lapau paruik litak makan pulang

Read More